من أنا

صورتي
الريحانيّة, بعبدا, Lebanon
صدر لي عن دار مختارات: لأنّك أحيانًا لا تكون (2004)، رسائل العبور (2005)، الموارنة مرّوا من هنا (2008)، نساء بلا أسماء (2008)- وعن دار سائر المشرق: كلّ الحقّ ع فرنسا (رواية -2011- نالت جائزة حنّا واكيم) - أحببتك فصرت الرسولة (شعر- 2012) - ترجمة رواية "قاديشا" لاسكندر نجّار عن الفرنسيّة (2012) - ترجمة رواية "جمهوريّة الفلّاحين" لرمزي سلامة عن الفرنسيّة (2012) - رواية "للجبل عندنا خمسة فصول" (2014) - مستشارة تربويّة في مدرسة الحكمة هاي سكول لشؤون قسم اللغة العربيّة.

الثلاثاء، 23 أغسطس، 2016

من يوميّات الفيسبوك (23 آب 2016)

مع أرز الباروك
2011

معقول إنت تقول بتحبّني؟ وجنّ الهوى ببالي وما عدت أعرفْ انكنّي صرت إنت أو بعدني حالي؟

*************


2012

سريرك يئنّ من الضجر في غيابي
*** 
قال الذئب الهزيل لليلى: رجاء أعطني الطعام الذي في السلّة!
قالت ليلى الورديّة الخدّين للذئب: رجاء أحببني وسأجلب لك الطعام كلّ يوم!
 ***
على كلّ فتاة مسيحيّة أن تطلب من خطيبها قطعة أرض في لبنان قبل البيت والسيّارة والعرس الفخم ورحلة شهر العسل الباهظة الكلفة
وإلّا فليتوقّف المسيحيّون عن النواح
 ***
بس يصير متر الأرض بلبنان أغلى ع قلب البنت المسيحيّة من المايوه، وبنظر الشبّ المسيحيّ أجمل من دولاب سيّارة أو قطعة سلاح، ما بيعود في خوف على البقاء المسيحيّ بكلّ الشرق
 ***
البيت المسيحيّ يللي ما في مكتبة وما في قدّامو قطعة أرض أحسن يتسكر
 ***
حاقدة على الرجال الذين يضعون عطرك
 ***
لا أريد الحديث في السياسة لكن يا حبيبي حاول أن تبقى قريبًا منّي فقط كي لا يتقسّم البلد وكلّ منّا في مكان

 *************
2014

تحبّينه! أكّدت لي المرآة الآن وهي تبكي!
 ***
أرغب في الانفراد بك في بيتنا الجبليّ. حيث لا إنترنت ولا فيسبوك... 
فقط لتكون لقصائدك معجبةٌ واحدة...
 ***
عندما تحضنني في الشارع، 
ينسى الشرطيّ تنظيم السير، 
تنسى المتسوّلات طلب المال، 
ينسى السائقون إشارات المرور،
ويشير الجميع إلى الرجلِ ذي القميص الأزرق الذي تحبّه ماري القصيفي!
 ***
أنا بوصلتُه
هو نجمي القطبيّ
أنا في متناول يده
هو أبعدُ من حلمي
 ***
للتذكير فقط: 
داعش ليست حالة افتراضيّة ولا ينفع معها "البلوك"
والخليفة الجديد ليس "راجح" الأخوين رحباني ولا يوزّع خواتم الخطبة
التهجير ليس حلم ليلةِ صيف في مخيّلة شكسبير
والموتى ليسوا صورًا متحرّكة انقطعت عنها الكهرباء
ولكنّنا بالتأكيد أكثر مخلوقات الأرض براعة في الحركة ونحن غائبون عن الوعي...
 ***
قبلة لأسير يحلم بتقبيل السماء والنساء
قبلة لمخطوف لا يعرف وجه خاطفه ليتعلّق فيه باحتمالِ رأفة
قبلة لمريضة تاقت روحُها لغير بياض السرير ورداء الممرّضة
قبلة لعجوز قد تغريه بأن يصالح الحياة
قبلة لثكلى تعانق التراب لعلّها تعيد إنجاب ولدها منه
قبلة لطفل قطعوا عنه حبل السرّة وربطوه بحبل المصل
قبلة لفتاة اغتصبها رجل اغتصبته الحياة
قبلة لفقير لها دفء الخبز الطازج
قبلة لطفلة صفعتها معلّمتها لأنّ الطفلة اشتاقت إلى حضن أمّها ولأنّ المعلّمة لم تجد من يحضنها
قبلة لمصروف من العمل قد تصرف عنه همومَه للحظات
قبلة لمهاجر يحلم برائحة الصعتر
قبلة لفنّانة ليس لها من يذكّرها بأن تتناول دواء الضغط
قبلة لشاعر لا يملك إلّا كلمات في بلاد تغتال الحالمين
قبلة لأرض تتهاوى قممُها تحت أظافر الجرّافات وتُتخم وديانُها بنفايات الأغنياء
قبلة لعصفور وقف قبالة صيّاد جائع وأخرى لعصفورة تعلّم صغارَها الغناء والعطاء
قبلة لطفلة قضت في مجزرة بعدما رأت الموت في شكل جارهم الذي كان يحمل لها الحلوى
قبلات قبلات قبلات
ما كنت أملكها لولا قبلتُك!
 *************
ما تغيّر شي غير أرقام التلفون

2015

رسائل إلى ميرا ويارا وأصحابهما -1
كانوا إمّاتكن يقولولكن إنتو وزغار: ما تلعبوا ع الطريق
اليوم إنتو كبار وع الطريق... انتبهوا الطريق لوين بتودّي... التغيير مطلوب بس شو البديل وكيف ومع مين...
فكّروا بعدين تظاهروا لأنّو غيركن عم يتظاهر إنّو عم يفكّر
 ***
رسائل إلى ميرا ويارا وأصحابهما -2
الفساد ما إلو طايفة وحزب:
بثمن سلاح حزب الله بتنحلّ مشكلة الكهربا... 
بتمن تياب ستريدا جعجع وإلمازاتا بتنحلّ مشكلة الزباله
بتمن قصور الحريري بتنحلّ مشكلة ضمان الشيخوخة
بمصريات نبيه ورنده برّي وأولادهما في الوطن والمهجر بيصير الاستشفاء مجّاني
بثروة نجيب ميقاتي بيصير التعليم المدرسي والجامعي مجّاني للجميع
بمصريات وليد جنبلاط بتوصل المي ع كلّ البيوت
بمصاريف بيوتات فرنجيه والجميّل وعون والعريضي وسلام... ما بيعود في فقير بالبلد
فكّروا بعدين تظاهروا لأنّو غيركن عم يتظاهر إنّو عم يفكّر
 ***
رسائل إلى ميرا ويارا وأصحابهما -3
من بداية مشاركتكن بالتحرّكات وأنا عم حاول إستمدّ منكن تفاؤل بإحتمال تغيير للأحلى ولكن:
- انتبهوا من شعارات متل تغيير النظام وإسقاط الحكومة ومهاجمة الجيش... البلد ما بيحمل هالقد بالوقت الحاضر... وكتار حولنا ناطر الفراغ 
- كترة طبّاخين الثورة بتشوشط أكلة الحريّة وبيحترق كلّ شي... متل ما صار بالدول حولنا
- لازم التركيز ع مطلب الزباله حاليًّا ت تنالو نتيجة، وبعدين الكهربا، وبعدين الجامعة اللبنانيّة وغيرا وغيرا من الملفّات... ملفّ ورا ملفّ مش تهديم الهيكل
فكّروا بعدين تظاهروا لأنّو غيركن عم يتظاهر إنّو عم يفكّر
 ***
رسائل إلى ميرا ويارا وأصحابهما - 4
كرمال تعبكن وعرقكن وأحلامكن، رح إحذف كمان اليوم عن صفحتي، بعد أتباع الزعما، كل اللبنانيّين يللي بيطلعوا قدامي وعم ينشروا صورن بالرحلات والمنتزهات وع البحر وبالسفر... مش ضروري يتركوا كل شي وينزلوا معكن، بس شويّة حيا وتضامن، أو على الأقل يسكتوا ويختفوا
فكّروا بعدين تظاهروا لأنّو غيركن عم يتظاهر إنّو عم يفكّر
 ***
رسائل إلى ميرا ويارا وأصحابهما - 5
1- لازم يا شباب وصبايا تنضفّوا الساحات قبل ما تفلّوا وإلّا ما بتكون حركتكن نضيفه
2- قبل فرز النفايات لازم تفرزوا المندسّين وتنشروا صورن 
3- فتّشوا ع رمز إيجابي يوصفكن مش بس يكون الحديث عن وسخ السياسيين
فكّروا بعدين تظاهروا لأنّو غيركن عم يتظاهر إنّو عم يفكّر


ليست هناك تعليقات: