من أنا

صورتي
الريحانيّة, بعبدا, Lebanon
صدر لي عن دار مختارات: لأنّك أحيانًا لا تكون (2004)، رسائل العبور (2005)، الموارنة مرّوا من هنا (2008)، نساء بلا أسماء (2008)- وعن دار سائر المشرق: كلّ الحقّ ع فرنسا (رواية -2011- نالت جائزة حنّا واكيم) - أحببتك فصرت الرسولة (شعر- 2012) - ترجمة رواية "قاديشا" لاسكندر نجّار عن الفرنسيّة (2012) - ترجمة رواية "جمهوريّة الفلّاحين" لرمزي سلامة عن الفرنسيّة (2012) - رواية "للجبل عندنا خمسة فصول" (2014) - مستشارة تربويّة في مدرسة الحكمة هاي سكول لشؤون قسم اللغة العربيّة.

الخميس، 1 سبتمبر، 2016

من يوميّات الفيسبوك (1 أيلول 2016)

MaSaHa

2011

حزنك رماد الغيمْ
الطالع على بالو
 ينزل بعبّ الميْ
تيغسّل خيالو
ومن دون ما يحكي
رح يهرب من الضوّ
ويفوت ع حالو...
في دمعتين زغار
تخبّوا سوا وراحوا
عم يكبروا بالسرّ
لا ارتحت، لا ارتاحوا
طَير الوجع تخمين
تتصير متلو تطير أدّملك جناحو...
شو بخاف من أيلول
شهر السفر جايي
في طيور بدها تفلّ
وحزنك لوحدو يضلّ
يشهد عالحكايي إلّي شو لازم أُول
إلّي مـَرَأ أيلول
 *************
2012

قال لها: أنا هنا إن أردتِ الكلام؟
قالت له: لو كنتَ هنا لما خطر لي الكلام!
*** 
قالت له: رح إطلع كم يوم ع الجبل لغيّر جوّ
قال لها بانكسار: هيك بتتركيني كل هالوقت؟ وأنا شو بعمل بغيابك؟؟
بعد شهر ...
قالت له: بتزعل إذا طلعت كم يوم ع الجبل ت ودّع الصيف 
قال لها بحماسة: ولَو يا حياتي! طلعي قدّ ما بدّك! لازم تغيّري جوّ
*** 
لعنة أن يكون كلّ ما نستطيع فعله هو الكتابة في مجتمع أميّ

  *************
2014

موضوع التعبير الكتابيٌ لأوّل يوم مدرسيّ:
عزيزي التلميذ! ما هي الفيزا التي تحلم بالحصول عليها؟
 ***
في حبّ متل رسمات الولاد ع حيطان الصيف، بيروح مع أوّل شتوي
وفي حبّ متل حبوب الزرع ناطر أوّل شتوي ت يعطي مواسم 
نيّال يللي حبّن موسم ولاد يرسمو ع الحيطان
 ***
حين يدوّن المؤرّخون أحداثَ هذه المرحلة 
سيكون حبُّنا، حبُّنا الذي ينجو كلّ لحظة من الموت،
النصرَ الوحيدَ في عصر الهزيمة!

ليست هناك تعليقات: