أصحابك يا طفل زغير
عم بيغنّوا من بكّير
واحد بيقول يا ألله
والتاني بيصرخ يلاّ
طلع الضوّ
لازم نطير.
الْعصافير غطّوا وطاروا
بين شجرة وشجرة احتاروا
واحد عم بيسأل عنّك
والتاني زعلان منّك
قال إنّك
ما عدت زغير.
يا لبَعدَكْ نايم نعسان
قوم شوف ولاد الجيران
واحد بينادي خيّو
والتاني ناطر بيّو:
تأخّرنا
شو بدّو يصير؟
ما بينطر الأوتوكار
شو ما عملت وشو ما صار
لا تتغنّج عليّ
وتقلّي بعد شويّي
ع الصفّ
تأخّرت كتير.
هناك تعليقان (2):
جميييييلة جداً
(:
صباح الفل
شو بدّو يصير؟
ما بينطر الأوتوكار
دى قرتها
كنت مبتسم
ضحكت كتير (:(:
ربنا يفرح قلبك (:
رامي!!!اشكرك على المرور والتحيّة والدعاء. وأنت أيضًا أتمنّى لك الفرح الدائم
إرسال تعليق