الأبواب

من أنا

صورتي
الريحانيّة, بعبدا, Lebanon
صدر لي عن دار مختارات: لأنّك أحيانًا لا تكون (2004)، رسائل العبور (2005)، الموارنة مرّوا من هنا (2008)، نساء بلا أسماء (2008)- وعن دار سائر المشرق: كلّ الحقّ ع فرنسا (رواية -2011- نالت جائزة حنّا واكيم) - أحببتك فصرت الرسولة (شعر- 2012) - ترجمة رواية "قاديشا" لاسكندر نجّار عن الفرنسيّة (2012) - ترجمة رواية "جمهوريّة الفلّاحين" لرمزي سلامة عن الفرنسيّة (2012) - رواية "للجبل عندنا خمسة فصول" (2014) - مستشارة تربويّة في مدرسة الحكمة هاي سكول لشؤون قسم اللغة العربيّة.

الاثنين، 25 أكتوبر 2010

أصحابك يا طفل زغير (أغنية للأطفال)








أصحابك يا طفل زغير
عم بيغنّوا من بكّير
واحد بيقول يا ألله
والتاني بيصرخ يلاّ
طلع الضوّ
لازم نطير.

الْعصافير غطّوا وطاروا
بين شجرة وشجرة احتاروا
واحد عم بيسأل عنّك
والتاني زعلان منّك
قال إنّك
ما عدت زغير.

يا لبَعدَكْ نايم نعسان
قوم شوف ولاد الجيران
واحد بينادي خيّو
والتاني ناطر بيّو:
تأخّرنا
شو بدّو يصير؟



ما بينطر الأوتوكار
شو ما عملت وشو ما صار
لا تتغنّج عليّ
وتقلّي بعد شويّي
ع الصفّ
تأخّرت كتير.

هناك تعليقان (2):

Ramy يقول...

جميييييلة جداً

(:

صباح الفل

شو بدّو يصير؟
ما بينطر الأوتوكار

دى قرتها

كنت مبتسم

ضحكت كتير (:(:

ربنا يفرح قلبك (:

ماري القصيفي يقول...

رامي!!!اشكرك على المرور والتحيّة والدعاء. وأنت أيضًا أتمنّى لك الفرح الدائم