حزنك رماد الغيمْ
الطالع على بالو
ينزل بعبّ الميْ
تيغسّل خيالو
ومن دون ما يحكي
رح يهرب من الضوّ
ويفوت ع حالو
في دمعتين زغار
تخبّوا سوا وراحوا
عم يكبروا بالسرّ
لا ارتحت، لا ارتاحوا
طَير الوجع تخمين
تتصير متلو تطير
أدّملك جناحو
شو بخاف من أيلول
شهر السفر جايي
في طيور بدها تفلّ
وحزنك لوحدو يضلّ
يشهد عالحكايي
إلّي شو لازم أُول
إلّي مـَرَأ أيلول
ليست هناك تعليقات:
إرسال تعليق