الشخص يللي مش تاني

لمّا الشخص التاني ببطّل تاني

بس إنتَ بتضلّ الأوّل

لمّا الشخص ببطّل شخص

وبيصير حالة بتعيش فيا

لمّا الشخص بعبّيك

وبيحيط فيك بالوقت نفسو

لمّا بيضلّ برّاتك

وبيصير جوّاتك

هيدا بيكون الحبّ

كيف بدّي قلّك قدّيش إنتِ بقلبي؟ سألها

ما كان فيي أكتب هالكلمات

لو ما كنت حاسّة أنا وين

بس أكتب هيك بحسّ إني عم أكتب

وأنا قاعدة بقلبَك ومرتاحة

غير هيك ما كنت بكتبلك عنك

وما كانوا بيطلعوا الكلمات بيشبهوا اللي أنا فيه