يِسْعِدْ صباحَكْ

يِسْعِدْ صَباحَكْ

يا لْبِلْحِلِمْ غِرْقانْ

وبَسْمِهْ حَنونِه

تبوّسْ شفافَكْ

خِدْني عَ مَهْلَكْ

تَخْتَكْ الدِفيانْ

بالعِطرْ يِغْمُرْني

ومن ليلْ شَعري

تَعْمِلْ لْحافَكْ

***

رَحْ غِلّ بِ صِدْرَكْ

على السكّيتْ

وإتْلَفْلَفْ بإيديكْ

مِنْ دُونْ ما إحْكي...

يا ريتْ يا قلبي

ألفْ يا ريت

أِسْكُنْ بْجِلْدَكْ

نامْ بِعينيكْ

ولحظةْ لْتِشْتاقْ لَوجودي

ويِطْلَعْ عَ بالَكْ

تِلْمُسْ وجودَكْ

وتْصيرْ مِنْ رَغبتَك

تِدْمَعْ وتبكي

بِنْزَلْ أنا

دمعةْ عِشقْ

وبِكْرُجْ على خدودَكْ

ما بخافْ مِنَّكْ ضِيْعْ

ولا الحزِنْ يِبْعِدني...

بعرِفْ

بتبكي

تَ تعودْ تِشْرَبْني