شو ناطرة ما بتشلحي
عنك تياب الحزن
ت نرقص سوا
نحنا تعبنا
والتعب ما لو دوا
غير الغنا والرقص
متل شجره بَيْن
ديّات الهوا
يلا اشلحي
تياب الحزن
ت نرقص سوا
***
شيلي عن عيونك
منديل البكي
ويلا اضحكي
دبلت جفونك
وع التم نعسان الحكي
خلي شفافي
تلملم الدمعات
والحكيات
ع صدري اتكي
ويجنّ بالقلب الهوى
ونرقص سوا
***
ضاع ناس كتير
ع دروب الدني
شي فل ع بكير
شي ختير من الهم
وجبينو حني
نحنا بقينا
يمكن ت نحكي
حكايتن
وبعد ما حكينا
الحكي ما عاد
في منو نوى
قومي اشلحي
تياب الحزن
ت نرقص سوا
ليست هناك تعليقات:
إرسال تعليق