إلى رجل يشبه الكتابة (20)

193- صار يجب أن نلتقي
فقط كي أعرف إن كنت ما أشعر به شوب أو شوق!

***

194- "أجمل شي بالدني تلاقي حدا يحمل همّك معك
بس الأجمل إنّك تلاقي مين يحملو عنّك"

***

195- سؤال: وهل أنتِ كاملة الأوصاف حتّى تطلبي رجلًا كامل الأوصاف؟
جواب: وما حاجتي إليه إن كنتُ كذلك؟

***

196- قال لها: أنا هنا إن أردتِ الكلام؟
قالت له: لو كنتَ هنا لما خطر لي الكلام!

***

197- قالت له: رح إطلع كم يوم ع الجبل لغيّر جوّ
قال لها بانكسار: هيك بتتركيني كل هالوقت؟ وأنا شو بعمل بغيابك؟؟
بعد شهر ...
قالت له: بتزعل إذا طلعت كم يوم ع الجبل ت ودّع الصيف 
قال لها بحماسة: ولَو يا حياتي! طلعي قدّ ما بدّك! لازم تغيّري جوّ

***

198- لعنة أن يكون كلّ ما نستطيع فعله هو الكتابة في مجتمع أميّ

*** 

199- "تعا ت نتخبّا
ونولّع سيكارة"

***

200 - لو كنت تحبّني كما تقول إنّك تحبّني لما كان السرير في هذه الساعة من الليل يغار من اللابتوب

***

201 - "ما بعرف ليش كلّ مرّة بتقلّي إنّك بتحبّني بحسّ إنّي صرت حبّ لبنان أكتر
يمكن لأنّك مجنون متل هالوطن"

***

202 - قولك أنا إنتْ
ومش عارفة حالي
كأنّك ببالي كنتْ
وقت الْخلق بالي