هيدا اللي إسمو زعيمك
وكرمالو انبحّوا
زلاعيمك
كل يوم بيهتكلك عرضك
كل يوم بيسرقلك أرضك
وبعدك بتقلّو لبّيك
إنت الغالي إنت البيك
كرمالو انبحّوا
زلاعيمك؟
إيه من هبلك الله لا
يقيمك
بدّك بدمك تفديه
وبروحك راكض تحميه
وهوّي عنك مش سئلان
ومن ريحة عرقك قرفان
وبعدك بتقلّو يا كبير
إنت السرّ ونحنا
البير
كرمالو انبحّوا
زلاعيمك؟
إيه من هبلك الله لا
يقيمك
يا قاتل قدّامو حالك
وهو آخر همّو أحوالك
سارق عمرك، تعبك كلّو
وما بتقبل إلّا ما
تقلّو
كتّر خيرك يا زعيم
يا جبّار ويا عظيم
كرمالو انبحّوا
زلاعيمك؟
إيه من هبلك الله لا
يقيمك
البرّاد ببيتو مليان
وإنت ع اللقمة هفيان
مرتو ع مرتك لئيمة
بتعطيها تيابا
القديمة
ت تبسلا إيدا الكريمة
هيدي عادتها الحليمة
كرمالن راحوا
زلاعيمك؟
إيه من هبلك الله لا
يقيمك
بيّك، إخواتك وإمّك
بيقولولك سكّر تمّك
وبتمشي بأمر المسؤول
وبتصدّق كل شي بيقول
ولادو أغلى من ولادك
هنّي المستقبل لبلادك
كرمالن راحوا
زلاعيمك؟
إيه من هبلك الله لا
يقيمك
ليست هناك تعليقات:
إرسال تعليق