ليش بيفلّوا
اللي بيفلّوا؟
يمكن لأنو
ما حدا قلّن
ضلّوا بعد ضلّوا
ويمكن ضجروا من الدني
وما عاد بدن للسما يصلّوا
ويمكن ما عرفوا
لمّا حدا بيفلّ
ومنكون منحبّو
ما في حدا بالكون
راح ياخد محْلّو
ليش يللي راح
ت يرتاح
فكّر بحالو
وما افتكر فينا
من درب البكي
حيّد ع مهلو وزاح،
من عصف الحكي
تخزّق شراعو
وما لقي مينا
فلّ قبلو كتار
وبكينا
انطرنا الوقت ننسى
ولليوم ما نسينا
يا آخد سرّك معك
الله معك
بس وين الله كان
وقت الكنت وحدك
وما في حدا حدّك
معقول الله يعرفك يئسان
ويضلّ مش سئلان؟
وين نحنا كلّنا كنّا
ت مش ع غفلة تروح
وتترك وراك جروح
هيدا الجرح بالروح
باقي ع طول العمر
ولو شو ما عملنا
ليست هناك تعليقات:
إرسال تعليق