وما دامت حريّة التعبير (بغضّ النظر عن مضمون التعبير وفحواه ورسالته ووظيفتو برقيّ المجتمع وحفظ كرامة الإنسان) تستقطب هذا الكمّ "المخيف" من التأييد، فلنعبّر ولنعبُر من التعبير إلى "التبعير" وباللهجة اللبنانيّة كمان، لغة المظاهرات المؤيّدة والأغنيات الثوريّة (من ثور):
ييي هودي المصابين بالتوحّد ليش أهلن ما بيخبّوهن بالبيت؟ مبسوطين فين؟ ليك ملّا مناظر هههههههههههههههه (حريّة تعبير؟)
يا الله هودي المصابين بالسرطان شو كترانين، شعرن بيضل يهرّ وجويوا الدني، شي بيقرّف (حريّة تعبير؟)
معقووووول؟؟؟ وين صرنا؟ هيدي الصانعة عم تاكل ع الطاولة مع معلّمينها، العمى شو إنن نَوَر، كيف إلن نَفس ياكلوا معا!!! (حريّة تعبير)
وهودي يللي بيحبّوا الحيوانات وبيدافعوا عنن؟؟؟؟ أكيد مرضى وبدن علاج، في أجمل من إنّو تحطّ هالكلب وتطرقوا دكّة وتجيب خبرو أو تخنق البسينة بالكيس؟ هههههههه (حريّة تعبير؟)
جمعيّة كفى لو بتكفّ عنّا شوي هالحركات، حاج تكبّر راس النسوان، إيه والله في نسوان بدن خبيط ليوم الخبيط ههههههه (حريّة تعبير؟)
يا حرام هههههه هيدي ابنا سقط بالفحص، وهيئتو حمار متل أهلو هههههه (حريّة تعبير)
الإسلام، يييي بتضلّ ريحتن طالعة لأنن ما تعمّدوا وما مرق علين الميرون ههههه (حريّة تعبير؟)
المسيحيي/ ييييي هودي بياكلو بشر وبيشربو دمن وبيقولوا هيدا المسيح علّمن هيك، دخلكن المسيح كان يحب المجدليّة أو يوحنا هههههه (حريّة تعبير؟)
هوي الدروز بيعبدوا العجل ههههههههه (حريّة تعبير؟)
هودي المعاقين ليش ما بيحطّوهن بشي مطرح وبيديروا علين الغاز وبيقتلوهن وبيريّحوا أهلن منن وبيوفّروا ع الدولة مصاري ههههه (حريّة تعبير؟)
وين الغلط يتحشّروا بالولاد؟ الولاد مهضومين وحلوين ههههههه (حريّة تعبير؟)
هيدي الناصحة قد البقرة مبسوطة بحالا نازلة ع البحر هههههههههه (حريّة تعبير؟)
هيدي المشلولة وبدّو مين يجرّها ع الكرسي إيه تروح تقعد بالبيت وتشتغل صوف حاج ملبّكا الله تبعنا وبدّها حقوق المعاقين كمان هههههههههه (حريّة تعبير؟)
هودي الشاذّين العمى بيلعّوا النفس، شوف أشكالن دغري بتعرفن، وقال شو بدّن حقوقن وبدّن يعبّروا كمان ويتزوّجوا، الله يساعد أهلن ع هالجرصة... وينك يا هتلر (حريّة تعبير؟)
دخلكن لشو عملوا دور العجزة؟ إيه كبّوا أهلكن فين وارتاحوا (حريّة تعبير؟)
القتل بحجة التجريب،
الاغتصاب بهدف التحديث،
السرقة بهدف المغامرة،
تدنيس كل شي من أجل المتعة،
تحطيم كل شي كرمال الما شي،
تمسخر ع كل شي لأنّو ليش لأ،
بهدلة كل شي لأنّو نحنا أحرار،
ويلّا.... عاشت الفنون (فنون التجريح والتحجيم والعهر والهستيريا)، عاشت حريّة التبعير، مات لبنان
ليست هناك تعليقات:
إرسال تعليق