من يوميّات الفيسبوك (28 تشرين الأوّل 2016)

اللوحة: موسى ميشال طراد

2013

أتركْ نافذة الحلم مفتوحةً لأتسلّلَ إليك

محمد روحي

أنت شاعرة مدهشة و مختلفة فعلاً

***

قال لها: أنا هنا إن أردتِ الكلام؟
قالت له: لو كنتَ هنا لما خطر لي الكلام!

*** 

أليس غريبًا ألّا تكون "مرحومًا" إلاّ وأنت ميْت؟

 ***

تعب (تمرين بالمحكيّة اللبنانيّة)

يمكن يجي شي نهارْ
وتقول منّي تعبتْ
وصارتِ الإيّامْ
مِتْل بعضا تمرّ
وما عادْ عنّا جديدْ
***
يمكن يجي شي نهارْ
وما نحسّ إنّو العيدْ
قلّكْ: ما عدنا زغارْ
لمين الهديّه؟
والضجرْ يِزْهِرْ
وضجرْ غيرو يجرّ
تيجبلنا عَ العيدْ
عيديّه
***
يمكن يجي شي نهارْ
إكتشف فيك سرارْ
ما كنت أعرفها
وما يعود غيرا يِهمّ
وإنسى شو كنت كبيرْ
وتزغر بعيني كتيرْ
تتصير تقل وغمّ
***
يمكن يجي شي نهارْ
تكره فساتينْ
كنت تعشقها
وتبطّل إيدَكْ
تغلّ بشعري
ت تلعب معو
ويضايقك صوتي
وتنسى شو كنت تحبّ
إنّك تسمعو
وما يعود بدّن يرجعو
الأصحاب لعنّا
من بعد ما كنّا
نحكين أشعار
عن قصيدة حبّ
بطّلت إلنا
***
يمكن يجي شي نهارْ
يموت فينا الحبّ
من بعد ما ختيرْ
وما يعود في عنّا
ولا شعلة نارْ
ولا يعود إلنا خِلق نتذكّر...
ونفلّ
كلّ مين ع طريقْ
لا أنا رفيقة عمر
ولا إنت كنت رفيق
وتخلص حكايه
بقصر عمر الورد
وما يضلّ غير الوعد
المرسوم بصوره
بقيت لحالا
تسيهر خيالا
ع بَرْد المرايه
***
يمكن إجا الْنهار
الْما عاد بدّك فيه
تقطف الورد زرار
وتقطّر الزهرات
يمكن صرت ختيار
بيكفيك بالمَسْوات
تساير النسمات
وتغنّج الشجره
اللي رسمت ع كعبا
من أوّل المشوارْ
قلبين كانوا زغار

Falah Abou Jaoude

حلو كتير.

Toni Al Maalouf

يسلم حرفك الناعم..ويسعد صباحك

Hamdi Alteltey

حمدي الثلثي"
بروية تمعنت مابين السطور واستوعبت الواضح والمستور بلهجة لبنان التسامح
والأرز والتفاح والليمون
عزف سيمفوني راقي وصوت أوبرالي ممتع
يحرك المشاعر والأحاسيس المرهفة ويسمو بالحرف والكلمة
لأستاذة اكاديمة العامية والفصحي .
أشكرك أستاذة ماري

Remy Boussetta

مبدعة ...طاب يومك ماري كم اسعدني هذا النص وكنت اود دائما منك نصوص بالعاميّة اللبنانية

2014

حال البلد؟ تشعله شرارة
حال الطقس؟ مطر أكيد 
حالي أنا؟ كحال البلد والطقس... 
حين يخطر اسمُكَ على بالي...

محمد توفيق توفيق

روعه