من يوميّات الفيسبوك (30 تشرين الأوّل 2016)

Roman Urbinskiy 1977 - Russia

2013

في المدارس السوريّة لا تسأل المعلّمة الآن إن كان التلميذ حاضرًا أو غائبًا، 
بل تسأل إن كان ميتًا أو نازحًا!

 ***

سألني: ما الذي يجعلني مميزًا بين الرجال؟
أجبته: ما أكتبه عنك!

Alwan Hussein

جعلتيه نجما ً محسودا ً من الرجال والنساء على السواء .

 ***

وداعًا أيّها السلاح الذي ارتدّ على قلبي فمزّقه!
وداعًا أيّها الحبّ!

2014

بتعرفوا إنو نحنا فاشلين بكل شي لسبب واحد بس: إنو منعرف ننهمّ وما منعرف نهتمّ... يعني منحمل هموم ومنقّ ومنبكي ومنكتب ومنصرّخ... بس ما منعرف نهتمّ... مناخد ما منعطي/ منسأل ما منجاوب/ منطلب ما منساعد/ وكتير كتير منحكي عن الحبّ بس للحقيقة ما منعرف نحبّ... ما حدا علّمنا نحبّ... يمكن علّمونا المحبّة البعيدة عن الجسد، ويمكن تعلّمنا أسرار الجنس، وشروط الزواج وبعدين ترباية الولاد... بس ما تعلّمنا الحبّ يللي بيجمع المحبّة ع أصولا والجنس ع أصولو... 

وع الأكيد الجمع بين الحبّ والخطيّة كان أسوأ شي ممكن ننصاب فيه ونموت بسببو... لكن في شي تاني كمان، في الأنانيّة (بدنا ننحبّ مش نحبّ) وفي الخوف (لأنو الحب مسؤوليّة) وفي القلق من المستقبل (لأنو خلقنا بمنطقة مش آمنة)

مرّات الواحد منّا بيقبل يكون ممرّض للتاني يللي بيحبّو، ومرّات بنك يساعدو وقت الحاجة، ومرّات كتف ت التاني يبكي عليه أو يتّكي عليه، ومرّات معاون بيساعدو بشغلو، ومرّات مدري شو كمان، لكن هالواحد منّا مين سألو عن صحّتو، وإذا عايز مساعدة، وإذا كان حزين، وإذا كان وحيد... هالواحد يللي بيعطي كتير منين بياخد... ولو شوي؟؟؟
رح نضلّ فاشلين بكل شي لوقت ما نتعلّم نحكي قليل عن الحبّ، ونحبّ أكتر... يعني نصغي أكتر ونشوف أكتر ونحس أكتر ...ت نتعلّم إنو الحب زمان ومكان، يعني وقت كافي ومطرح حقيقي... ولوقت ما نتعلّم إنو الحبّ شجاع وكريم ونضيف وذكي ومهضوم ... وإنّو التاني بس تسمّيه حضرتك نصّك التاني بيكون هوّي كمان ناقصو نصّ تاني يللي هوّي حضرتك... وإلّا ما بتظبط...
رح نضلّ فاشلين لوقت ما نتعلّم إنّو ما في حبّ روحي وحبّ جسدي وما بعرف شو كمان... لأنّو ما فيك تحبّ شبح (بلا جسد) وما فيك تحبّ جثّة (بلا روح ..(
رح نضلّ فاشلين بكلّ شي لوقت ما نتعلّم إنّو الحبّ الحقيقيّ زوبعة... يعني حركة بتولد من حالها وبتجدّد حالها، وما فيها تضل مطرحها ولا تنطر... بالعكس بتاخد مبادرة وبتاخد كل شي بدربها... وبس ينوجد هيك حبّ... بيصير هيّن يخلق شخص أو شي يجدّد وجّ هالعالم... وتصبحوا على حبّ... ع هيك حبّ...

علي نوير

نعم .. هو زوبعة اسمها ماري

Wafaa Jerjian · Friends with Luna Mreish and 5 others

دائما تبهريني ست ماري جعل الله ايامك كلها حب

فائزة القادري · 6 mutual friends

ماري .نبع المحبة.كتيييير حلو اللي قالو قلبك اللي صرح فيه وجدانك .وقفت على منبر الوفى والمحبة .حكيت عنا كلنا.وجمهورك ياريت كل البشر يصيرو جمهورك.
تعبانييييين من النماذج اللي صورتيها.من الأنانية والدجل.
يخليلنا قلمك.وقلبك.سفير المحبة.