من يوميّات الفيسبوك (6 آب 2016)

2012

قل لي إنّك تحبّني قبل أن أقرأ الصحف هذا الصباح
فبعد القراءة قد لا أصدّق أيّ شيء من أيّ أحد

 ***

لا أحد يغدر بك كذاتك

 ************

2014

لحظة حبيبي هلأ بحكيك، عندي بيان عسكريّ مهمَ:

عزيزتي المرا المسيحيّة يللي محمّسة للجيش إنت وعم تتحمّصي ع البحر، يا ريت حدا بيشرحلك شو عم إكتبلك لأنو أكيد ما بتفهمي عربي:
وقت يللي كان في خدمة عسكريّة لولادك عملتي مليون واسطة ت تهرّبين منها ع أساس ولادك ما بيحملو بهدلة
وقت يللي بنتك حبّت عسكري بالجيش كنتي رح تنتحري لأنو مش كلاس ولأنو ما بيحكي لغات ولأنو إمّو بتعمل كشك، وكان جوابك لبنتك: يا مامي لو ع القليلة ضابط كان عندو شوفير 
وقت يللي إبنك مشي مع المحشّشين والحراميي كانت فرحتك قدّك لأنو أصحابو ولاد زعما
وقت يللي إبنك شلح تيابو وكبّن ع الأرض ت تلمّن الخادمة كان في شب من عمر إبنك عم يموت ت إبنك ينهرق ويتغنّج 
وقت يللي كنتي قاعدة عند الكوافير عم تخبّصي بالحكي بالسياسة كان في مرا من عمرك عم تندب إبنها
وقت يللي كنت ناقعة إجريك بالمي قبل البيديكور كان في عروس عم تزفّ عريسها للموت
وقت يللي ولادك كانو نايمين للضهر كان في ولاد ناطرين تابوت بيّن

عزيزتي المرا المسيحية يللي عبّيتي حيطك شعارات للجيش، ودّي إبنك ع الجيش بعدان تفلسفي... احملي مكنسة ونضّفي بيتك قبل ما يخطر ع بالك تحملي قلم وتكتبي (وأكيد ما بتخيّلك رح تحملي سلاح)
عزيزتي المرا المسيحيّة، في كتار بنات ونسوان ماتوا وعاشوا كرمال قضيّة (يمكن صحّ يمكن غلط بس ع القليلة كان عندن قضيّة) فيكي، قبل ما تشلحي وتنزلي ع البحر، تشرحيلنا شو هي قضيّتك اليوم؟ 
هيدا مش امتحان موضوع إنشاء، ما تخافي... ع الأكيد إنت وحدك الناجحة...
وللبيان حرّر...

صباح الخير حبيبي

 ***

يا قلبي لا تتعب قلبك
لو الغباء بينباع كنّا قبرنا الفقر

 ***

ما يحصل الآن في المنطقة
وما ساهمت وسائل التواصل الاجتماعيّ في فضحه لغياب الفكر وسيطرة الانفعال:
يفرز الأمور والناس:

هناك بين حملة الأقلام والشهادات واللابتوبات: 
شعراء وصحافيّون وأدباء (رجالًا ونساء وأشباه ورجال ونساء) تلفوناتهم الذكية أذكى منهم
شعراء وصحافيّون وأدباء (رجالًا ونساء وأشباه ورجال ونساء) يكتبون متل رجال الدين من مختلف الطوائف
شعراء وصحافيّون وأدباء (رجالًا ونساء وأشباه ورجال ونساء) عقولهم مرتبطة بأذناب سواهم
شعراء وصحافيّون وأدباء (رجالًا ونساء وأشباه رجال ونساء) كتاباتهم تشبه المرحلة: فراغ فكريّ وثورة نكاح
شعراء وصحافيّون وأدباء (رجالًا ونساء وأشباه رجال ونساء) كلماتهم خناجر داعشيّة مارونيّة وأرثوذكسيّة وكاثوليكيّة وسنيّة وشيعيّة ودرزيّة...
شعراء وصحافيّون وأدباء (رجالًا ونساء وأشباه رجال ونساء) يتصرّفون عبر مواقع التواصل الاجتماعيّ كأنّهم في أسواق النخاسة والدعارة، ولكن ببطاقات VIP
ولأنّ القرّاء، في أكثرهم، ليسوا أفضل حالًا، صار من الكفر أن نخالف الكتاب المقدّس ونضع لآلئنا أمام الخنازير...

 ***

الموت وحده غير مشغول
الموت وحده يملك الوقت كلّه 
الموت وحده يمشي في الحياة على مهل

 ***

Big Like
هذا ما وضعته الحياة على صفحة الموت

 ***

الموت يسخر
العمر يهزأ
الحبّ ينكسر
الوطن يضيع
يجب أن ننام 
أن ننام طويلاً
كي نصحو من الحلم

 ************

2016

منتهى الأنانيّة أن تعامل الآخرين كما تحبّ أن يعاملوك

فذلك يعني أنّك تعرف ما ترغب فيه لنفسك

لكنّك لا تعرف ما يرغبون فيه لأنفسهم